DOJ, naghain ng grave threats laban kay VP Sara

Kinumpirma ng Department of Justice (DOJ) na naghain sila ng reklamong grave threats laban kay Vice Pres. Sara Duterte.

Ayon kay DOJ spokesperson Polo Martinez, inihain ang reklamo sa Office of the Clerk of Court ng Quezon City Regional Trial Court 1:30 p.m. ngayong Martes, 11 August.

Kaugnay ito ng umano’y pagkontrata ng bise sa isang assassin para ipapatay sina Pres. Bongbong Marcos, First Lady Liza Marcos, at dating House speaker Martin Romualdez kapag namatay siya.

“The Vice President may not be prosecuted for an alleged offense that is also the subject of an impeachment case… The Vice President will exercise all available legal remedies in due course,” pahayag ni Atty. Paul Lawrence Lim, counsel ni VP Sara.