Jordan Clarkson, Travis Scott nadawit sa rambulan sa isang club sa New York

Naiulat na nasangkot ang Fil-Am NBA player na si Jordan Clarkson sa isang magulong insidente kasama ang rapper na si Travis Scott sa Zero Bond NYC noong Sabado ng gabi.

Ayon sa TMZ, pinalabas ang dalawa mula sa private members’ club matapos uminit ang sitwasyon nang harapin ni Scott ang isang indibidwal na nagre-record sa kanya. Sinubukan ni Clarkson na pakalmahin ang tensyon, ngunit nadamay rin siya sa kaguluhan.

Sinasabing naghagis ng mga bote ang ilang miyembro ng team ni Scott bago sila harapin ng Fil-Am guard.

Walang naiulat na nasaktan, at agad namang napakalma ng security ang insidente. Sa ngayon, wala pang inilalabas na pahayag ang alinmang panig. Kabilang sa mga personalidad na naroon sa naturang lugar sina Jake at Logan Paul, 50 Cent, at iba pang kilalang personalidad.