PBBM nakapagtayo na ng halos kalahating milyong housing units simula 2022

Ipinahayag ni Bongbong Marcos na nakapagtayo na ang kanyang administrasyon ng halos kalahating milyong housing units mula noong 2022.

Sa isinagawang awarding ng mga bagong pabahay sa ilalim ng pinalawak na Pambansang Pabahay para sa Pilipino (4PH) program sa Rizal, sinabi ng Pangulo na patuloy ang pagsisikap ng pamahalaan na maabot ang target nitong bilang ng mga pabahay sa mga susunod na taon.

Binigyang-diin niya na tuluy-tuloy ang pagtutulungan ng gobyerno at pribadong sektor upang mapabilis ang produksyon, mapahusay ang mga proseso, at mapalawak pa ang mga kahalintulad na programa.

Inamin naman ng Malacañang na nananatiling hamon ang housing backlog sa bansa.