Nasawi ang isang mag-asawa matapos masunog ang isang residential area sa Barangay Tejeros, Makati City, madaling-araw nitong Sabado, 24 Enero 2026,
Kinumpirma ni Makati Mayor Nancy Binay ang pagkamatay ng matandang mag-asawa, ayon sa mga ulat.
Sumiklab ang sunog bandang 2:06 ng madaling-araw sa Butate Street at itinaas sa third alarm dakong 2:35 ng umaga. Idineklarang under control ang apoy 4:26 ng madaling-araw.
Tuluyang idineklarang fire out ang sunog bandang 6:40 ng umaga.
Anim na katao — apat na babae at dalawang lalaki — ang nasugatan sa insidente.
Patuloy ang imbestigasyon ng mga awtoridad upang matukoy ang sanhi ng sunog at kung may iba pang nasawi.