Matapos ang trending impersonation ni Ruffa Mae Quinto kay Moira dela Torre sa Your Face Sounds Familiar noong Nobyembre 2025, nagharap na ang komedyante at ang singer sa ASAP kahapon, Linggo, ika-11 ng Enero 2026.
Ipinost mismo ni Moira ang kanilang pagkikita sa kanyang Instagram account. Makikitang nagkakamayan ang dalawa at nagbiro si Moira sa caption: “Finally met Ruffa Moi.”
Nagduet ang dalawa sa hit na kanta ni Moira, “Paubaya” — parehong kanta na inawit ni Ruffa Mae sa kanyang impersonation sa YFSF.
Habang umaawit, ilang beses bumaling si Moira at tinatakpan ang mukha, tila emosyonal. Hindi malinaw kung naiiyak ba siya o nagpipigil ng tawa. Napansin naman ng mga fans na maayos ang duet kapag nagtitino si Ruffa. Pagkatapos ng kanta, nagsalita si Ruffa: “Thanks to myself!” na nagpahalakhak sa mga manonood.
Maraming aliw sa performance ng dalawa at umani ng biro sa social media, lalo na sa YouTube:
“Paubaya ❌ Pabayaan ✅”
“Ang sakit ng kanta😢 pero sobra akong natawa😂😂”
“Paubaya to pabaya real quick”
“Galing naman ni Moira at Ruffa Mae! Go! Go! Go!”
“Pero sino ba dyan si Moira? Nalito ako mej nhak HSHAHAAHWHAHAHA”