Ang Short Film Festival Queen at mahusay na aktres, si Cataleya Surio, aariba at tiyak na magiging mapang-akit sa pinalakang tabing kasi nga kasama siya sa pelikulang “Wild Boys.”
Mula sa Bright Idea Production, ang “Wild Boys” ay mula sa panulat at direksyon ni Carl M. Woodruff na mas tanyag bilang aktor na si Carlos Morales.
Chika ni Cataleya: “Kay Inday Garutay ang point of view ng pelikula. Supporting role ako sa movie. Assistant ako ni Madam Inday na ang pangalan ay si Liwayway.”
“Hindi ako masyado maingay sa film. Behaved ako. Mata-mata lang at subtle ang aktingan,” patuloy na chika ni Cataleya.
Kamustang direktor ang mahusay na aktor na si Carlos Morales?
“Pangalawang pagkakataon ko na makatrabaho si Direl Carlos,” maagap na sagot ni binibining Surio. “Pati rin kay Inday, second time rin. Una kaming nagkasama sa “Rolyo” na naging finalist ng 1st Subic International Film Festival. Chill pareho katrabaho si Inday at si Direk Mabait at maalaga si Direk sa cast and crew.”
Sa pelikula, ang “Wild Boys” ay binubuo nina Aljur Abrenica, Vin Abrenica, Nico Locco, Rash Flores, Kristoff Garcia, Arwind Santos, Jimboy Martin, Christian Ty, Billy James, Pedro Red, at Christian Singson.
Ang Short Film Festival Queen, ang impression sa kanila: “Sa kanila lahat outstanding at oozing ang appeal ng Abrenica brothers pero medyo natulala ako nong nag topless si Aljur at sumayaw ng sexy dance.”
Aniya pa: “Panalo din yong anak ni Gob. Chavit Singson na si Christian Singson sa film namin love sya ng camera. Swabe ang kaseksihan niya lalo na pag sumasayaw, alam mong classy.”
Maliban sa kanila ni Inday Garutay, ang iba pang artista kasama sa “Wild Boys” ay sina Ina Alegre, Rolly Inocencio, Mariposa, Krista Miller, Paul Alvarez, Atak Araña, CJ Garcia at award winning actor na si Martin Escudero.
Nagka-special screening ang pelikula kamakailan at itatanghal ito sa mga sinehan sa Agosto.
Pagtatapos ni Cataleya Surio: “Masaya ako na naging bahagi ng magandang pelikula ni Direk Carlos Morales. Tungkol ito sa magkakaibigan na halos magkakapatid na ang turingan. Ang kanilang mga balakid at hirap na pinagdaanan. At kung paano sila naging matagumpay bilang dance group. Naway pag ipinalabas na kami sa mga sinehan, please give us all your love and support.”
**
Ang dating theater actress (dati siyang Actors Company member ng Gantimpala Theater), si Valerie Tan, panalong-panalo na ang karera bilang host sa mga lifestyle programa at event.
Sa kasalukuyan, si Valerie ang host ng “I Heart PH” ng TV8 Media na matutungahayan tuwing Linggo, 10:30 a.m. sa GTV. Ika-sampung season na nila.
Sabi ni Valerie sa isang panayam: “Congratulations to us that we lasted 10 seasons. A lot of challenges of course and there’s a lot of content online also. You’re not just competing with the attention of TV viewers, but you’re also competing for the attention of everyone.”
“We are leveling up our program to make it more entertaining, more informative and still relevant no matter when you watch it,” dagdag pa ni Tan.
Pagtatapos ni Valerie: “Kaya for me, I feel so blessed. So grateful to not just be working with this award-winning show but also to be working with the team that I already consider my family.”