Bise alkalde ng Datu Piang binaril

Sugatan sa pamamaril si Datu Piang, Maguindanao del Sur Vice Mayor Omar Samama ngayong umaga ng Lunes.

Ayon sa mga ulat, nasa Barangay Magaslong sa isang pagtitipon kung saan sila namamahagi ng mga ayuda ang bise aldkalde nang bigla itong tumumba.

Nabaril na pala ang bise alkalde ng mga hindi pa nakikilalang salarin. Patuloy pa rin iniimbestigahan ng otoridad ang pangyayari

Agad naman naisugod sa ospiyal at kasalukuyan na rin nagpapagaling ang bise-alkalde.

Kinondena naman ng mga opisyal ng Bangsamoro Autonomous Region in Muslim Mindanao (BARMM) ang ginawang pagbaril  kay Samama.

"This act of violence against a public servant is an attack on peace, democracy, and the rule of law in the Bangsamoro," ayon kay BARMM Interior and Local Government Minister Sha Elijah Dumama-Alba.

"Ito ay taahasang pagbabanta sa ating isinusulong na kapayapaan na nagdudulot ng labis na takot at pangamba sa ating mga kababayan," ayon naman kay Maguindanao del Sur Gov. Mariam Mangudadatu.

Si Samama ay muling tumatakbo bilang bise alkalde para sa darating na eleksyon.