DYARYO TIRADA

Bagong PCO Secretary nanumpa na

Michael Pingol · Feb 24, 2025, 6:06 PM

President Ferdinand "Bongbong" R. Marcos Jr. and Acting PCO Secretary Cesar Chavez arrive at the last press conference at Malacañang Palace on 6 February 2025, amid the announcement of the impeachment of Vice President Sara Duterte — Yummie Dingding

Pormal nang nanumpa ang dating broadcast journalist na si Jay Ruiz kay Pangulong Ferdinand Marcos Jr. bilang bagong kalihim ng Presidential Communication Office (PCO).

Si Ruiz pumalit kay Cesar Chavez na nagbitiw kamakailan lang.

Bukod kay Ruiz, nanumpa rin bilang Underscretary ang lawwyer-broadcaster na si Atty. Clarissa “Claire” Castro, na gagampanan ang Palace Press Officer na mangunguna sa mga press briefing ng palasyo.

Matapos ang oath-taking personal naman ipinakilala ni Chavez sa Malacañang Press Corps at sa mga kawani ng PCO sina Ruiz at Castro.

Pinaliwanag din ni Castro na hindi spokesperson o tagapagsalita ng pangulo ang kanyang gagampanan pero siya ay tutulong na magpaliwanag ng mga pahayag ng pangulo.

Layunin naman ni Ruiz na tutukan ang maayos na serbisyo para maihatid ang direktiba ng Pangulo sa publiko ang mga programa ng gobyerno at mga tamang impormasyon.