Pansamantalang nagtalaga ng officer in charge sa Presidential Communications Office si Acting Secretary Cesar Chavez.
Itinalaga niya si PCO Senior Undersecretary Emerald Anne Ridao, na magiging epektibo mula 17 Pebrero hanggang 21 Pebrero, Lunes hanggang Biyernes sa susunod na linggo. Ito ay alinsunod sa Special Order 25-044 na inisyu at pinirmahan ni Chavez.
Si Ridao ang pansamantalang tagapangasiwa ng mga aktibidad araw-araw at sa operasyon ng ahensya.
Ang dahilan ng pansamantalang pagtatalaga ay ang pagliban ni Chavez sa trabaho upang bumiyahe patungong ibang bansa, base sa mga inaprubahang travel authority sa mga nasabing petsa.