Bato: Firing squad sa mga korap na opisyal

Dahil sa hindi matapos na isyu ng korapsyon sa bansa, pinaboran ni Senador Ronald ‘Bato’ Dela Rosa na gawing batas ang panukalang firing squad para sa mga kurakot na opisyal ng gobyerno upang maibsan na ang isyu ng korapsyon sa gobyerno.

Ayon pa kay Dela Rosa, wala daw dapat ikatakot ang isang opisyal kung wala itong ginagawang korapsyon at dagdag pa niya, kahit anong batas ang gawin laban sa korapsyon ay tila hindi epektibo pero kung sakali man daw na maisabatas ang naturang panukala, baka bumaba na lamang ang bilang ng mga tatakbong elective officials.

Sinabi rin ni Dela Rosa na alam niyang mahihirapang maipasa ang firing squad sa mga tiwaling opisyal dahil walang batas na death penalty ang Pilipinas.