Umakyat na sa 12 ang bilang ng nasawi sa bagyong ‘Pepito’

Umakyat na sa 12 ang bilang ng mga nasawi sa Bagyong “Pepito,” ayon sa pahayag ng ahensya ng kalamidad kahapon,habang humupa ang malawakang pagbaha dala nito.

Nilubog ng “Pepito” ang mga nayon at winasak ang mga maliliit na gusali sa bansang arkipelago noong katapusan ng linggo, dahil sa lakas ng hangin nitong humahagupit ng 185 kilometro bawat oras.

Ito ang ikaanim na malalaking bagyo sa loob ng isang buwan na tumama sa Pilipinas. Sama-sama silang pumatay ng hindi bababa sa 175 katao at nagpalikas sa libu-libong mamamayan. Sinira rin ng mga bagyo ang mga pananim at pumatay ng mga alagang hayop.

Karamihan sa mga namatay sa “Pepito” ay nasa bulubunduking lugar sa hilaga ng kabisera ng Maynila, kabilang ang pitong tao na natabunan ng gumuhong lupa habang nasa loob ng kanilang bahay sa lalawigan ng Nueva Vizcaya.

Dinurog din ng malaking bato ang isang bahay, na naglibing ng buhay sa tatlong tao, sa baybaying bayan ng Dipaculao, kung saan nag-landfall ang bagyong may international name na “Man-yi,” sinabi ni Ariel Nepomuceno, isang matataas na opisyal sa tanggapan ng pagtatanggol sibil ng gobyerno, sa AFP.

Apat na tao ang nananatiling nawawala, dagdag niya.

“Nasa recovery period na tayo, nagsimula nang ayusin ng mga tao ang kanilang mga bahay,” sabi ni Nepomuceno.

“Ang mga materyales sa konstruksyon ay dumarating na sa mga lalawigang naapektuhan.”

Sa hilagang lungsod ng Tuguegarao, nagsimulang humupa ang tubig-baha na dulot ng paglabas ng dam at umaapaw na Ilog ng Cagayan, matapos na basagin ang libu-libong kabahayan sa mga araw matapos lumabas ang bagyo sa bansa.

“Ang lebel ng tubig ay humupa at ngayon ay isang talampakan na lamang (0.3 metro) ang taas. Ilang mga evacuees ay bumalik na rin sa kanilang mga tahanan,” sinabi ng opisyal ng kalamidad ng lungsod na si Ian Valdepenas sa Agence France-Presse kahapon.