Dinurog ni Regie Suganob ang karibal na Hapones na si Kai Ishizawa sa ikawalong round upang mapanatili ang World Boxing Organization Global light flyweight crown sa unang pagkakataon sa harap ng dumadagundong na mga kababayan niya sa Tagbilaran, Bohol noong Martes.
Natapos ng Pinoy ang trabaho sa 2:38 na marka matapos tumbahin si Ishizawa sa pangalawang pagkakataon gamit ang mga solidong suntok.
Nang ihinto ng referee ang bakbakan, nag-itsa ng tuwalya ang mga cornermen ni Ishizawa bilang senyas na hindi na niya kinakailangan ng parusa.
Nauna rito, isang mabangis na kumbinasyon ang nagpabagsak kay Ishizawa, na mainit na nakipagpalitan ng bira kay Suganob mula simula hanggang katapusan.
Agad na tinawagan ni Tapdasan ang medical team upang suriin si Ishizawa, na nakaunat sa labas ng ring para sa karagdagang pagsusuri.
“Sabi ng medical team okay na siya. Napagod lang siya,” pahayag ni Tapdasan.
Ang tagumpay ay nagpalaki sa rekord ni Suganob sa 15-1 na may limang knockout habang ang pagkatalo ay nagpabagsak sa baraha ni Ishizawa sa 11-4 na may sampung knockout.
Itinanghal ng PMI Bohol Boxing, isa sa pinakamabilis na tumataas na promotional outfits sa bansa, ang laban.