4 bata nasagip sa Davao airport

Apat na babaeng menor de edad na pinaniniwalaang biktima ng trafficking ang nailigtas ng Philippine National Police Aviation Security Group (PNP-AVSEGROUP) at pulis noong Lunes, Abril 22, sa Davao International Airport (DIA).

Ayon sa mga umarestong pulis, ang mga menor de edad ay inalok ng trabaho bilang online sellers sa umaga at bilang waiter sa gabi sa Laoag, Ilocos Norte.

Nabatid sa kanilang mga kasamahang babae na sila ay inaresto dahil sa paglabag sa Republic Act 10364, na kilala rin bilang "Expanded Anti-Human Trafficking in Persons Act of 2012."

Ipinadala ang mga biktima sa City Social Welfare and Development Office Quick Response Team para sa pansamantalang kustodiya at interbensyon, habang ang mga babaeng suspek ay inilipat sa Southern Philippines Medical Center para sa medikal na pagsusuri sa kanila.

 Pinuri ni PNP-AVSEGROUP Director, PBGen Christopher N. Abrahano ang kahandaan at agarang pagtugon ng mga awtoridad sa Davao International Airport sa mga bata.

Nagpadala naman ng matinding babala si Abrahano na palaging magiging handa ang grupong ito na pigilan at arestuhin ang sinumang may kagagawan ng human trafficking sa lahat ng paliparan sa bansa.