Inihayag ng kampo ni Kingdom of Jesus Christ Leader Pastor Apollo Quiboloy na lumapit na ito sa Korte Suprema para ipadeklarang iligal ang Warrant of Arrest na inilabas ng mataas na kapulungan ng Kongreso laban sa Pastor.
Sa petisyon na inilabas ng kampo ni Quiboloy, sinabi ni Atty. Elvis Balayan na walang legal na basehan ang pagpapa-aresto sa kanilang kliyente at labag umano ito sa karapatan ng Pastor dahil tila ba hinusgahan na ni Senador Risa Hontiveros si Quiboloy.