EDSA BUS CAROUSEL, LIBRE ULI!

Pagsapit ng Disyembre 15 hanggang 31, magiging libre na sa gabi ang EDSA Bus Carousel mula Disyembre 15 hanggang 31, ayon sa mga nagpapatupad nito ilang araw bago ang napipintong pagtatapos ng "Libreng Sakay" progam para sa nasabing serbisyo.

Ang EDSA Bus Carousel ay patuloy na naniningil sa mga pasahero mula alas-11 ng gabi hanggang alas-4 ng madaling araw at sa mga oras na naniningil ito ay nasa P61.50 ang end-to-end na biyahe mula Caloocan hanggang sa Parañaque Integrated Terminal Exchange.

Nasa P13 naman ang minimum fare nito.

Pakiusap naman ng ilang driver at conductor na bayaran muna sila bago gawing magdamagan ang Libreng Sakay.

"Seven weeks pa po ang kulang namin na bayad," ayon sa driver na si Jason Atrava. "Sa pasahero okay, pero sa 'ming mga empleyado, kawawa."

Ayon naman sa Department of Transportation, inaasikaso na umano ang pagbabayad sa mga bus concessionaire at nanawagan na bayaran nang tama ang kanilang mga empleyado.

"Ang report sa amin ay two weeks lang 'yung hindi nababayaran. Kailangan i-process ng LTFRB 'yung papel nila. 'Yung two weeks ay reasonable. 'Yung pagbabayad ay dapat gawin ng operators sa tamang panahon na suweldo ng mga drivers at operators," ani Transportation Secretary Jaime Bautista.

Ayon sa LTFRB, umaabot sa P10 milyon hanggang P12 milyon ang bayad para sa libreng sakay sa EDSA Bus Carousel kada araw na may 350 hanggang 400 na tumatakbong bus.