Aminado ang aktres na si Bea Binene na hangga't maaari ay ayaw niyang magpaseksi o magpaka-daring sa mga susunod niyang projects ngayong pumirma na siya sa Viva Artists Agency na pag-aari ni Boss Vic del Rosario.
"One thing is for sure. Hindi ko pa po kayang magpa-sexy at this point. No offense meant sa sexy stars but kailangang pag-iisipan ko muna kung kaya ko ba. Kasi baka pumayag nga ako, tapos, hindi ko naman ma-deliver nang maayos if I'm not fully confident about it. Hindi rin naman ako kasing-sexy ng sexy stars nila," sabi ni Bea.
"Viva also assured me na hindi naman lahat ng stars nila nagpapa-sexy so may projects pa rin na wholesome," dagdag pa niya. "Sina Boss Vic, when I turned 18 may offer na pero ngayon lang nangyari. It's a matter of right timing."
Inamin rin ng dalaga na talagang naninibago at kinakabahan siya ngayong under na siya ng VAA.
"Siyempre, naninibago. Kinakabahan ako kasi ngayon lang ako napalipat. It feels new, with different people, different surroundings, but I'm excited, I feel blessed. I look forward to working with all of them sa Viva," sabi ni Bea.
At habang wala pa siyang trabaho noong kasagsagan ng pandemya, marami ring nagawa si Bea.
"I studied languages like Korean and Mandarin. I also took on line courses with various business schools like Harvard, Northwestern and London. I have a coffee shop sa Megamall but we closed it down during the pandemic kasi walang tao.
But we are now transferring it to my mom's province in Nueva Ecija," saad ng dalaga.
